Broken Spine #23: Dromlach Briste

Dúnmharú sa Daingean…nó an bhfuil sé Dingle/Daingean Uí Chúis anois?

Bunaithe i gCorca Dhuibhne, meascann ‘Dúnmharú sa Daingean’ ealaín an iarthair l’anord an oirthir. Scríobhta l’Éilís Ní Dhuibhne, tugann an leabhar dea scríofa seo, seans dúinn chun filleadh ar an nGaeilge le scéal atá fíor-shuimiúil agus taitneamhúil ag an am céanna. Insítear scéal faoin príomhcharachtair, Saoirse, atá i ndeireadh na féide i mBaile Átha Cliath, tar éis a post, fear agus árasán a cháilleadh. Chun peirspictíocht nua ar an saol a fháil, bogann sí go Corca Dhuibhne in iarthar Chiarraí chun saol nua a chruthú. Ach ní fágtar a cuid fadhbanna sa phríomhchathair ar chor ar bith. Tagann Saoirse trasna rún dorcha san áit agus caithfidh sí dul ar tóir dúnmharfóra.

Tá an leabhar seo lán le samplaí ina bhfuil an léitheoir in ann an fonn grinn atá ag Ní Dhuibhne a fheiceáil agus an scil atá aici chun scéal nua aimsire a chur ós ár gcomhair. Is dócha go bhfuil ‘Dunmharú sa Daingean’ dírithe ar an gcainteoir Gaeilge ach is leabhar oiriúnach é don té le spéis i bhfilleadh ar ais sa Ghaeilge ach oiread. Níl sé chomh mór ina gceapann tú go bhfuil tú ag léamh ‘The Stand’ nó chomh beag agus éasca ina gceapann tú go bhfuil tú ag léamh ‘Fantastic Mr.Fox’. Is oth liom a rá ach is minic go mbuaileann leabhair sa chanóin Chiarraí (an t-Oileánach, Machnamh) an t-aláram i cheann an fhoghlaimeora Gaeilge, ach ní dhéanfaidh an leabhar seo duit! Mar thurgnamh beag duit, cuir an leabhar seo i do liosta léitheoireachta agus b’fhéidir go mbeidh spéis nua agat ar an nGaeilge.

Tá Dúnmharú sa Daingean ar fáil anois ar www.litriocht.com

 
Scríbhneoir:
Daithí Ó Drisceoil